തലപ്പുഴ: തിടങ്ങഴിയിലെ നാലംഗ കുടുംബം ആത്മഹത്യ ചെയ്ത സംഭവത്തില്‍ ആത്മഹത്യാ കുറിപ്പില്‍ പരാമര്‍ശിക്കപ്പെട്ട വ്യക്തി അറസ്റ്റില്‍.
തിടങ്ങഴി ദേവകി മന്ദിരത്തില്‍ കുട്ടന്‍ എന്ന നാരായണ(60)നെയാണ് തലപ്പുഴ എസ്.ഐ അനില്‍കുമാറും സംഘവും അറസ്റ്റ് ചെയ്തത്. കഴിഞ്ഞദിവസമാണ് തിടങ്ങഴി തോപ്പില്‍ വിനോദ്, ഭാര്യ മിനി, മക്കളായ അനുശ്രീ, അഭിനവ് എന്നിവര്‍ കശുമാവില്‍ തൂങ്ങിമരിച്ചത്.
വിനോദിന്റെ പാന്റിന്റെ ബെല്‍റ്റില്‍ തിരുകിയനിലയില്‍ ഏഴ് കത്തുകള്‍ കണ്ടെത്തിയിരുന്നു. ഈ കത്തിലാണ് തങ്ങളുടെ കൂട്ട മരണത്തിന് ഉത്തരവാദി അയല്‍വാസിയായ നാരായണനാണെന്ന് വിനോദും ഭാര്യയും എഴുതിയിരുന്നത്.
ഇയാള്‍ വിനോദിനെ കുറിച്ച് അപവാദം പറഞ്ഞുപരത്തിയതില്‍ മനംനൊന്താണ് വിനോദും കുടുംബവും ആത്മഹത്യ ചെയ്തത്. ഇയാളെ ഇന്ന് കോടതിയില്‍ ഹാജരാക്കും.