ഹൈദരാബാദ്: മദ്യപിച്ച് ഡ്യൂട്ടിയിലുണ്ടായിരുന്ന പൊലിസിനെ കെട്ടിപ്പിടിച്ച് ചുംബിച്ചയാളെ പൊലിസ് പൊക്കി. ഹൈദരാബാദില്‍ ബൊണാലു ഫെസ്റ്റിവലിനിടെയാണു സംഭവം.

ഇരുപത്തിയെട്ടുകാരനായ പൗഡല്‍ ഭാനു നല്ലകുണ്ഡക്കടുത്ത ഫെസ്റ്റിവല്‍ ആഘോഷത്തിനിടെ ഡ്യൂട്ടിയിലുണ്ടായ പൊലിസിനെ ചേര്‍ത്തുപിടിച്ച് ചുംബിക്കുകയായിരുന്നു. ഇയാള്‍ക്കെതിരേ ഐപിസി സെക്ഷന്‍ 353പ്രകാരം (കൃത്യനിര്‍വഹണം തടസപ്പെടുത്തല്‍) കേസെടുത്തിട്ടുണ്ട്.

അതിനിടെ ചുംബിക്കുന്ന വിഡിയെ സോഷ്യല്‍ മീഡിയയില്‍ വൈറലായി. നിരവധി പേര്‍ ഡാന്‍സ് ചെയ്യുന്നതിനിടെ ഒരാള്‍ കടന്നുവന്ന് പൊലിസിനെ ചുംബിക്കുന്ന ദൃശ്യം വിഡിയോയില്‍ വ്യക്തമാണ്. പൊലിസുകാരന്‍ യുവാവിനെ മാറ്റിനിര്‍ത്തി അടിക്കുന്നതും കാണാം.

കഴിഞ്ഞ ശനിയാഴ്ച ഹൈദരാബാദ് നഗരത്തില്‍ ബോണലു ഉത്സവാഘോഷത്തിനിടെയാണു സംഭവം.