വൈക്കം: കണ്‍മുന്നില്‍ നിറങ്ങള്‍ പൂത്തുലയുന്ന നാളുകളിലേക്ക് ഇനി ഏറെ ദൂരമില്ലെന്നതിന്റെ സന്തോഷത്തിലാണ് പ്രശസ്ത ഗായിക വിജയ ലക്ഷ്മി. നേത്ര ചികിത്സക്കായി അമേരിക്കയിലേക്ക് പോവാനൊരുങ്ങുകയാണവര്‍. ഒരു ചാനല്‍ പരിപാടിക്കിടെയാണ് അവരുടെ വെളിപെടുത്തല്‍.

ചികിത്സ കഴിയുന്നതോടെ തനിക്ക് കാഴ്ച പൂര്‍ണമായും തിരിച്ചു കിട്ടുമെന്ന് പൂര്‍ണവിശ്വാസത്തിലാണ് വിജയലക്ഷ്മി. 2019ലാണ് ചികിത്സക്കായി അമേരിക്കയിലേക്ക് പോവുന്നത്.

അമേരിക്കയിലെ ഡോക്ടറുമായി സംസാരിച്ചിരുന്നുവെന്നും അദ്ദേഹം തികഞ്ഞ ആത്മവിശ്വസമാണ് തന്റെ കാര്യത്തില്‍ പ്രകടിപ്പിച്ചതെന്നും വിജയ ലക്ഷ്മി പറയുന്നു. ഔക്ടോബര്‍ 22ന് വിജയലക്ഷ്മിയുടെ വിവാഹം നടക്കാനിരിക്കുകയാണ്. സുഹൃത്തും മിമിക്രി ആര്‍ട്ടിസ്റ്റുമായ അനൂപാണ് വരന്‍.