ശബരിമല സ്ത്രീ പ്രവേശനവുമായി ബന്ധപ്പെട്ടു നടക്കുന്ന സമരങ്ങളെ തള്ളി വെള്ളാപ്പള്ളി. ബി.ജെ.പി രാഷ്ട്രീയ മുതലെടുപ്പിന് ശ്രമിക്കുന്നു. നുണ പറഞ്ഞു നേരാക്കുന്ന ഗീബല്‍സിന്റെ സിദ്ധാന്തമാണ് ഇപ്പോള്‍ നടക്കുന്നത്. ബി.ജെ.പിയുടെ ശബരിമല സമരം ഹിന്ദുക്കളെ പ്രതിനിധീകരിക്കുന്നില്ല. സമാന്തരമായ സമരം ആലോചിക്കും. ശബരിമലയില്‍ വിശ്വാസികള്‍ പോയിക്കോട്ടോ, ആരും തടയേണ്ട. തമ്പുരാക്കന്മാര്‍ പറയുന്നത് അടിയാന്മാര്‍ കേള്‍ക്കണം എന്നതു ശരിയല്ല. ഹിന്ദു എന്നു പറഞ്ഞു കലാപത്തിനു ഇറങ്ങുന്നതും ശരിയല്ല. ഇപ്പോള്‍ നടക്കുന്ന സമരത്തിന് എസ്.എന്‍.ഡി പിയുടെ പിന്തുണയില്ല. സമാന ചിന്താഗതിക്കാരുമായി ചേര്‍ന്നു പ്രചരണം നടത്തും. സമരത്തിനു വളം വെച്ചത് ദേവസ്വം ബോര്‍ഡ് പ്രസിഡണ്ടാണ്.പത്രസമ്മേളനത്തില്ർ സംസാരിക്കുകയായിരുന്നു അദ്ദേഹം.