അന്തിക്കാട്: കരനെല്‍ കൃഷിയില്‍ നൂറുമേനി വിളയിച്ച് വിദ്യാര്‍ഥികള്‍. പുത്തന്‍പീടിക സെന്റ് ആന്റണീസ് ഹയര്‍സെക്കന്‍ഡറി സ്‌കൂള്‍ വിദ്യാര്‍ഥികളാണ് സ്‌കൂള്‍ പറമ്പില്‍ കരനെല്‍ കൃഷി പരീക്ഷിച്ച് നേട്ടം കൊയ്തത്. സ്‌കൂളിലെ നാഷണല്‍ സര്‍വിസ് സ്‌കീം അംഗങ്ങള്‍, അധ്യാപകര്‍ എന്നിവരുടെ നേതൃത്വത്തില്‍ കഴിഞ്ഞ ജൂണ്‍ 27നാണ് കൃഷിയിറക്കിയത്.
അന്തിക്കാട് പഞ്ചായത്ത് പ്രസിഡന്റ് എ.വി ശ്രീവത്സന്‍ വിളവെടുപ്പ് ഉദ്ഘാടനം ചെയ്തു. പ്രിന്‍സിപ്പല്‍ സി.ആര്‍ മാത്യു അധ്യക്ഷനായി. ബ്ലോക്ക് പഞ്ചായത്തംഗം മേനു പ്രതാപന്‍, വാര്‍ഡ് മെമ്പര്‍ ഷാജു മാളിയേക്കല്‍, കൃഷി ഓഫിസര്‍ എ.ടി ഗ്രേസി, കര്‍ഷക മിത്ര അമ്പിളി, കെ.എന്‍ സോന, എ.എ ലോറന്‍സ്, സൈമണ്‍ തെക്കത്ത്, ഷാലി ജേക്കബ്, എ.എ ദേവിക, മേഴ്‌സി, ലാലി, ജോളി ജോര്‍ജ് സംസാരിച്ചു.