അരീക്കോട്: റമദാന്‍ മാസത്തിന്റെ സന്ദേശം കൈവിടാതെ ജീവിതത്തില്‍ പകര്‍ത്തണമെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പറഞ്ഞു. അരീക്കോട് മേഖല എസ്.കെ.എസ്.എസ്.എഫ് സംഘടിപ്പിച്ച ചതുര്‍ദിന റമദാന്‍ പ്രഭാഷണ സദസ് ഉദ്ഘാടനം ചെയ്ത് സംസാരിക്കുകയായിരുന്നു അേേദ്ദഹം. എം സുല്‍ഫിക്കര്‍ അരീക്കോട് അധ്യക്ഷനായി.
സയ്യിദ് ബാപ്പുട്ടി തങ്ങള്‍ പ്രാര്‍ഥന നടത്തി. അരീക്കോട് സബ് ഇന്‍സ്‌പെക്ടര്‍ കെ സിനോദ് മുഖ്യാതിഥിയായി. മഅ്മൂന്‍ ഹുദവി വണ്ടൂര്‍ മുഖ്യപ്രഭാഷണം നടത്തി. കെ അബ്ദുറഷീദ് ദാരിമി പുവ്വത്തിക്കല്‍, പി.പി ഹംസക്കുട്ടി തുവ്വക്കാട്, പി.കെ അബ്ദുറഹിമാന്‍ മൈത്ര, മുജീബ് ബാഖവി തുവ്വക്കാട്, സി.പി റഫീഖ് പുത്തലം, അബ്ദുല്‍ ഗഫൂര്‍ യമാനി ചൂളാട്ടിപ്പാറ, ഉമര്‍ ദര്‍സി തച്ചണ്ണ, ശൗക്കത്തലി ദാരിമി, മന്‍സൂറലി വാഫി ചൂളാട്ടിപ്പാറ, ഉമര്‍ വാഫി കാവനൂര്‍, എ.പി റഷീദ് വാഫി കാവനൂര്‍ സംബന്ധിച്ചു.
ഇന്ന് എന്‍.വി മുഹമ്മദ് ബാഖവി ഉദ്ഘാടനം ചെയ്യും. ഡി.സി.സി പ്രസിഡന്റ് വി വി പ്രകാശ് മുഖ്യാതിഥിയാകും. അബ്ദുല്‍ ജലീല്‍ റഹ്മാനി വാണിയന്നൂര്‍ പ്രഭാഷണം നടത്തും.