എടവണ്ണപ്പാറ: വിശ്വാസിയോട് കരുണ കാണിക്കുന്ന നാഥനെ മറന്നുപോകരുതെന്നും നന്മകള്‍ അധികരിപ്പിക്കാന്‍ ഓരോരുത്തരും തയാറാകണമെന്നും കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി തങ്ങള്‍ പറഞ്ഞു. വാഴക്കാട് കണ്ണിയത്ത് ഇസ്‌ലാമിക് സെന്റര്‍ എടവണ്ണപ്പാറയില്‍ സംഘടിപ്പിക്കുന്ന റമദാന്‍ പ്രഭാഷണത്തിന്റെ നാലാം ദിവസത്തെ പരിപാടിയില്‍ സംസാരിക്കുകയായിരുന്നു തങ്ങള്‍. സയ്യിദ് മാനുതങ്ങള്‍ ഉദ്ഘാടനം ചെയ്തു. മമ്മുദാരിമി അധ്യക്ഷനായി. സയ്യിദ് ബി.എസ്.കെ തങ്ങള്‍, കുഞ്ഞിസീതിക്കോയ തങ്ങള്‍ തുടങ്ങിയവര്‍ സംസാരിച്ചു. ഷമീര്‍ ദാരിമി കൊല്ലം മുഖ്യപ്രഭാഷണം നടത്തി. ഇന്ന് ജംഷീര്‍ ബാഖവി കെല്ലൂര്‍ പ്രഭാഷണം നടത്തും.