ബംഗളൂരു: കര്‍ണടക നിയമസഭയുടെ പുതിയ സ്പീക്കറായി മുതിര്‍ന്ന ബി.ജെ.പി നേതാവും മുന്‍ മന്ത്രിയുമായ വിശ്വേശര്‍ ഹെഗ്‌ഡെ കഗേരിയെ തിരഞ്ഞെടുത്തു. കോണ്‍ഗ്രസ്-ജെ.ഡി.എസ് സഖ്യസര്‍ക്കാര്‍ വിശ്വാസവോട്ടില്‍ പരാജയപ്പെട്ടതോടെ മുന്‍ സ്പീക്കര്‍ കെ.ആര്‍ രമേശ് കുമാര്‍ രാജിവച്ചിരുന്നു.

സ്പീക്കര്‍ സ്ഥാനത്തേക്ക് ഒരു നോമിനേഷന്‍ മാത്രമാണ് ലഭിച്ചിരുന്നത്. കര്‍ണാടക മുഖ്യമന്ത്രി യെദിയൂരപ്പ, മുതിര്‍ന്ന നേതാക്കളായ ഗോവിന്ദ് കര്‍ജോള്‍, ആര്‍. അശോക്, ജഗദീഷ് ഷെട്ടര്‍, കെ.എസ് ഈശ്വരപ്പ, എസ്. സുരേഷ് കുമാര്‍ തുടങ്ങിയവരും ചൊവ്വാഴ്ച നാമനിര്‍ദേശ പത്രിക സമര്‍പ്പിക്കാന്‍ അദ്ദേഹത്തോടൊപ്പമുണ്ടായിരുന്നു.

അങ്കോള നിയോജക മണ്ഡലത്തില്‍ നിന്ന് ആറാം തവണയാണ് കഗോരി നിയമസഭയിലേക്ക് തിരഞ്ഞെടുക്കപ്പെട്ടത്.