കണ്ണാടിപ്പറമ്പ്: മാട്ടിറച്ചി നിരോധനം മുസ്‌ലിംകളെ മാത്രം പ്രയാസപ്പെടുത്തുന്നതാണെന്ന പ്രചാരണം ദുരുദ്ദേശപരമാണെന്ന് മുസ്‌ലിംലീഗ് ജില്ലാ ജനറല്‍ സെക്രട്ടറി അബ്ദുല്‍കരീം ചേലേരി. മുസ്‌ലിംലീഗ് നാറാത്ത് പഞ്ചായത്ത് കമ്മിറ്റി കണ്ണാടിപ്പറമ്പില്‍ സംഘടിപ്പിച്ച പ്രതിഷേധ സംഗമം ഉദ്ഘാടനം ചെയ്യുകയായിരുന്നു അദ്ദേഹം. നിരോധനം ഇന്ത്യയുടെ സമ്പദ്ഘടനയെ തന്നെ തകര്‍ക്കുമെന്നും കരീം ചേലേരി പറഞ്ഞു. പഞ്ചായത്ത് കമ്മിറ്റി പ്രസിഡന്റ് പി.വി അബ്ദുല്ല അധ്യക്ഷനായി. കബീര്‍ കണ്ണാടിപ്പറമ്പ്, ഇ.വി ഖാദര്‍, പി. ഉമ്മര്‍ സംസാരിച്ചു.