കായംകുളം: ട്രെയിനില്‍ മറന്നുവെച്ച പണമടങ്ങിയ ബാഗ് ആര്‍.പി.എഫ് കണ്ടെടുത്ത് തിരികെ നല്‍കി.
 പത്തനംതിട്ട സ്വദേശിനി സുജാതയുടെ പണമടങ്ങിയ ബാഗാണ് ഇന്നലെ രാവിലെ ജയന്തിജനതാ എക്‌സ്പ്രസ് ട്രെയിനില്‍നിന്നും തിരികെ ലഭിച്ചത്. സേലത്തുനിന്നും ചെങ്ങന്നൂരിലെത്തി സ്റ്റേഷനു പുറത്തിറങ്ങിയപ്പോഴാണ് ബാഗ് ട്രെയിനില്‍ മറന്നുവച്ച വിവരം അറിഞ്ഞത്.
ആര്‍.പി.എഫ് ഉദ്യോഗസ്ഥരെ വിവരം അിറയിച്ചതിനെ തുടര്‍ന്ന് എട്ടുമണിയോടെ ട്രെയിന്‍ കായംകുളം സ്റ്റേഷനിലെത്തിയപ്പോള്‍ ആര്‍പിഎഫ് ഉദ്യോഗസ്ഥനായ ഷാജിബാബു ട്രെയിനില്‍ കയറി അവര്‍ യാത്രചെയ്ത സീറ്റിനു സമീപത്തു നിന്നും ബാഗ് കണ്ടെടുത്തു. പിന്നീട് വിവരമറിയിച്ചതിനെ തുടര്‍ന്ന്  സുജാത എത്തി ആര്‍.പി.എഫ് എസ്.ഐ എം.എസ്.മീനയുടെ സാന്നിധ്യത്തില്‍ ബാഗ് കൈമാറി.