വടകര: എം.എച്ച്.ഇ.എസ് കോളജ് ചെരണ്ടത്തൂരിന്റെയും നാഷണല്‍ സര്‍വിസ് സ്‌കീം കോഴിക്കോട് ജില്ലാ സെല്ലിന്റെയും ആഭിമുഖ്യത്തില്‍ നടക്കുന്ന 'പ്രകൃതി 2018' നേതൃപരിശീലന ക്യാംപിന് ചെരണ്ടത്തൂര്‍ എം.എച്ച്.ഇ.എസ് കോളജില്‍ തുടക്കമായി.
ക്യാംപിന്റെ ഭാഗമായി ചെരണ്ടത്തൂര്‍ ചിറ ശുചീകരണവും വടകര മൂരാട് പാലം മുതല്‍ പുതിയ ബസ് സ്റ്റാന്‍ഡ് പരിസരം വരെ ദേശീയപാതയോരം ശുചീകരിക്കുകയും ചെയ്തു. കോളജ് എന്‍.എസ്.എസ് പ്രോഗ്രാം വി.എം സുകേഷിന്റെ നേതൃത്വത്തിലാണ് ക്യാംപ്.
തോടന്നൂര്‍ ബ്ലോക്ക് പഞ്ചായത്ത് പ്രസിഡന്റ് തിരുവള്ളൂര്‍ മുരളി ഉദ്ഘാടനം ചെയ്തു. മണിയൂര്‍ പഞ്ചായത്ത് പ്രസിഡന്റ് എം. ജയപ്രഭ അധ്യക്ഷയായി. ജില്ലാ എന്‍.എസ്.എസ് കോഡിനേറ്റര്‍ ഡോ. സി.പി ഷീബ മുഖ്യപ്രഭാഷണം നടത്തി. പ്രൊഫ കെ.കെ മഹമൂദ്, ഷാഫി പുല്‍പാറ, വാര്‍ഡ് മെംബര്‍ അഹമ്മദ് സ്വാലിഹ്, ഷൈമ ഒതേനപുരി, ജാബിര്‍, മുര്‍ഷിദ് സംസാരിച്ചു. കോളജ് പ്രിന്‍സിപ്പല്‍ ഡോ. അബൂബക്കര്‍ സ്വാഗതം പറഞ്ഞു. സമാപന സമ്മേളനം പാറക്കല്‍ അബ്ദുല്ല എം.എല്‍.എ ഉദ്ഘാടനം ചെയ്തു. ക്യാംപില്‍ അറുപതോളം കോളജുകളിലെ ഇരുന്നൂറോളം വളണ്ടിയര്‍മാരും പ്രോഗ്രാം ഓഫിസര്‍മാരും പങ്കെടുത്തു.