മാന്നാര്‍: ഓടിക്കൊണ്ടിരുന്ന സ്വകാര്യബസിലെ തുറന്നുകിടന്ന വാതലിലൂടെ പുറത്തേക്ക് വീണ് വീട്ടമ്മയ്ക്ക് ഗുരുതരമായി പരുക്കേറ്റു. മാന്നാര്‍ പാവുക്കര കിണറ്റുകരത്ത് രാധാകൃഷ്ണപിള്ളയുടെ ഭാര്യ വത്സലകുമാരി ( 57) ആണ് പരുക്കേറ്റ് പരുമലയിലെ സ്വകാര്യ ആശുപത്രിയിലെ തീവ്രപരിചരണ വിഭാഗത്തില്‍ കഴിയുന്നത്.
കഴിഞ്ഞ ദിവസം 1.30ന് പരുമല കടവില്‍നിന്നും മാവേലിക്കര കണ്ടിയൂരിലേക്ക് പോകുന്നതിനായി ബസിന്റെ പിറകിലെ വാതിലിലൂടെ കയറിയ ഇവര്‍ ഇരിക്കാനായ് മുന്നോട്ടു നടന്നുനീങ്ങുന്നതിനിടെ ബസ് ടൗണ്‍ ജുമാ മസ്ജിദിന്റെ മുന്നിലെ വളവ് തിരിയുകയും തുറന്നുകിടന്ന മുന്‍വാതിലിലൂടെ വീട്ടമ്മ പുറത്തേക്ക് വീഴുകയുമായിരുന്നു. അപകടനില തരണം ചെയ്തതായി ആശുപത്രി അധികൃതര്‍ അറിയിച്ചു.