ഫറോക്ക്: എ.ടി.എമ്മില്‍ നിന്ന് പിന്‍വലിച്ച പണത്തില്‍ കീറിയ 2000ത്തിന്റെ കറന്‍സി. കനറാ ബാങ്ക് ഫറോക്ക് ബ്രാഞ്ചിനോടനുബന്ധിച്ചുള്ള എ.ടി.എം കൗണ്ടറില്‍ നിന്നാണ് ഫറോക്ക് നല്ലൂര്‍ വേങ്ങശ്ശേരി താഴത്ത് രജീഷ് കുമാറിന് കീറിയ നോട്ട് ലഭിച്ചത്.
പതിനായിരം രൂപയാണ് എ.ടി.എമ്മില്‍ നിന്നു പിന്‍വലിച്ചത്. 2000ത്തിന്റെ അഞ്ച് കറന്‍സികളില്‍ ഒരെണ്ണമാണ് വലതുഭാഗത്ത് കീറിയനിലയില്‍ കണ്ടെത്തിയത്. ഉടനെ ബാങ്കിലെത്തി വിവരം പറഞ്ഞെങ്കിലും എ.ടി.എമ്മില്‍ പണം നിക്ഷേപിക്കുന്നത് മറ്റു ഏജന്‍സികളാണെന്നു പറഞ്ഞു നോട്ട് മാറ്റിനല്‍കാന്‍ ആദ്യം തയാറായില്ല. പിന്നീട് പകരം നോട്ട് നല്‍കുകയായിരുന്നു.