താഴെക്കോട്: വര്‍ധിച്ചുവരുന്ന റോഡപകടങ്ങള്‍ക്ക് പരിഹാരമെന്ന ലക്ഷ്യവുമായി ട്രാഫിക് ബോധവല്‍ക്കരണവുമായി വിദ്യാര്‍ഥികള്‍ രംഗത്തിറങ്ങി. താഴേക്കോട് പി.ടി.എം. ഹയര്‍ സെക്കന്‍ഡറി സ്‌കൂളിലെ സ്‌കൗട്ട് ആന്‍ഡ് ഗൈഡ് വിദ്യാര്‍ഥികളാണ് കോഴിക്കോട്-പാലക്കാട് ദേശീയപാതയില്‍ റോഡ് സുരക്ഷാ അവബോധവുമായി രംഗത്തെത്തിയത്.
പരിപാടിയുടെ ഭാഗമായി യാത്രക്കാര്‍ക്കെല്ലാം സുരക്ഷാ സന്ദേശങ്ങള്‍ പകര്‍ന്നുനല്‍കുകയും ഹെല്‍മെറ്റ് ധരിച്ചെത്തിയ ബൈക്ക് യാത്രികര്‍ക്ക് മധുരം നല്‍കുകയും ചെയ്തു.
ഹെല്‍മെറ്റ് ഇല്ലാതെയെത്തിയവര്‍ക്ക് 'കളിപ്പാട്ടമാക്കരുത് ഹെല്‍മെറ്റ്' എന്ന തലക്കെട്ടോടുകൂടിയ ലഘുലേഖാ വിതരണവും നടത്തി. സ്‌കൂള്‍ ഹെഡ്മിസ്ട്രസ് ടി.ആര്‍ ഹരികുമാര്‍ ഉദ്ഘാടനം ചെയ്തു. അധ്യാപകരായ എം.കെ യുസുഫ്, എന്‍. റഫീഖ് മുഹമ്മദ്, പി. ഷബീര്‍ അലി, സി.പി അന്‍വര്‍ നേതൃത്വം നല്‍കി.