തൃക്കരിപ്പൂര്‍: വിദ്യാഭ്യാസ, കരിയര്‍ ഗൈഡന്‍സ് മേഖലകളില്‍ പ്രവര്‍ത്തിക്കുന്ന ലൈവ് തൃക്കരിപ്പൂര്‍ വിവിധ പരീക്ഷകളില്‍ ഉനത വിജയം കൈവരിച്ച വിദ്യാര്‍ഥികളെയും അവരുടെ രക്ഷിതാക്കളെയും അധ്യാപകരെയും അനുമോദിച്ചു. തൃക്കരിപ്പൂര്‍ വി.പി.പി മുഹമ്മദ് കുഞ്ഞി പട്ടേലര്‍ സ്മാരക വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ സംഘടിപ്പിച്ച ചടങ്ങില്‍ ഉപഹാരങ്ങള്‍ വിതരണം ചെയ്തു. അന്‍പതോളം വിദ്യാര്‍ഥികളെയും അവരുടെ രക്ഷിതാക്കളെയുമാണ് ആദരിച്ചത്. ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ഉദ്ഘാടനം ചെയ്തു. തൃക്കരിപ്പൂര്‍ ഗ്രാമപഞ്ചായത്ത്പ്രസിഡന്റ് വി.പി ഫൗസിയ അധ്യക്ഷയായി. ജില്ലാ പഞ്ചായത്ത് സെക്രട്ടറി ഇ.പി രാജ്‌മോഹന്‍ മുഖ്യാതിഥിയായിരുന്നു. പഞ്ചായത്ത് സ്ഥിരം സമിതി അധ്യക്ഷന്‍ വി.കെ ബാവ, സത്താര്‍ വടക്കുമ്പാട്, സി സമീര്‍, എ.സി അത്താവുല്ല, പി ശഫീഖ്, മുസ്തഫ ഉദിനൂര്‍ പ്രസംഗിച്ചു. ഷൗക്കത്തലി അക്കാളത്ത് സ്വാഗതവും ശരീഫ് തങ്കയം നന്ദിയും പറഞ്ഞു.