ജിദ്ദ: ജിദ്ദ മലപ്പുറം ജില്ലാ കെ.എം.സി.സി ഹജജ് വളണ്ടിയര്‍ പരിശീലന സംഗമത്തില്‍ യുവ പണ്ഡിതനും പ്രഭാഷകനുമായ അന്‍വര്‍ മുഹിയുദ്ധീന്‍ ഹുദവി സംബന്ധിച്ചു. ഉത്തമ സേവനത്തിന് ഉദാത്ത മാതൃക എന്ന സന്ദേശം ഉയര്‍ത്തിപ്പിടിച്ച് ജിദ്ധ സെന്‍ട്രല്‍ കമ്മിറ്റി ഓഡിറ്റോറ്റയത്തിലാണ് വളണ്ടിയര്‍ പരിശീലന സംഗമം സംഘടിപ്പിച്ചത്.

ജിദ്ദ ഹജ്ജ് സെല്ലിന് വേണ്ടി അറുനൂറില്‍ പരം വളണ്ടിയര്‍മാരെ സംഭാവന ചെയ്ത മലപ്പുറം ജില്ലാ കെ.എം.സി.സിയെ ഉദ്ഘാടന പ്രസംഗത്തില്‍ സെന്‍ട്രല്‍ കമ്മിറ്റി ജന. സെക്രട്ടറി അബൂബക്കര്‍ അരിമ്പ്ര അഭിനന്ദിച്ചു. മലപ്പുറം ജില്ലാ പ്രസിഡന്റ് ഗഫൂര്‍ പട്ടിക്കാട് മുഖ്യ പ്രഭാഷണം നടത്തി. ജിദ്ദ കെഎംസിസി സെന്‍ട്രല്‍ കമ്മിറ്റി പ്രസിഡന്റ് അഹമ്മദ് പാളയാട്ട്, ഖത്തര്‍ കെ.എം.സി.സി സംസ്ഥാന ട്രഷറര്‍ കെ.പി മുഹമ്മദലി, ജില്ല ചെയര്‍മാന്‍ ബാബു നഹ്ദി സംസാരിച്ചു. നാഷണല്‍ സെക്രട്ടറിയറ്റ് അംഗംങ്ങളായ നാസര്‍ വെളിയങ്കോട്, മജീദ് പുകയൂര്‍, സെന്‍ട്രല്‍ കമ്മിറ്റി ഭാരവാഹികളായ റസാഖ് മാസ്റ്റര്‍, വി.പി മുസ്തഫ, ഇസ്മാഈല്‍ മുണ്ടക്കുളം, എ.കെ ബാവ, ലത്തീഫ് മുസ്ലിയാരങ്ങാടി, നാസര്‍ മച്ചിങ്ങല്‍, ഇസ്ഹാഖ് പൂണ്ടോളി, ഷൌക്കത്ത് ഞാറക്കോടന്‍ തുടങ്ങിയവര്‍ ചടങ്ങില്‍ സംബന്ധിച്ചു.

സഊദി ഹജജ് സെല്‍ ജനറല്‍ ക്യാപ്റ്റന്‍ ഉമ്മര്‍ അരിപ്പാമ്പ്ര, ക്യാപ്റ്റന്‍ വി.പി ഉനൈസ്, ജിദ്ദ ഹജജ് സെല്‍ ജനറല്‍ ക്യാപ്റ്റന്‍ ശിഹാബ് താമരക്കുളം, നിസാര്‍ മടവൂര്‍ എന്നിവര്‍ വളണ്ടിയര്‍മാര്‍ക്ക് വിവിധ വിഷയങ്ങളില്‍ മാര്‍ഗ്ഗ നിര്‍ദ്ദേശങ്ങള്‍ നല്‍കി. ജില്ല കമ്മിറ്റി ഭാരവാഹികളായ നാസര്‍ കാടാമ്പുഴ, അബ്ബാസ് വേങ്ങൂര്‍, ജലാല്‍ തേഞ്ഞിപ്പലം, സാബില്‍ മമ്പാട്, വി.വി അഷ്‌റഫ്, ഗഫൂര്‍ മങ്കട, മജീദ് അരിമ്പ്ര, ജംഷീര്‍ , ഹബീബ് കല്ലന്‍, ഗഫൂര്‍ ചേലേമ്പ്ര നേതൃത്വം നല്‍കി.