വടക്കാഞ്ചേരി: മാര്‍ക്കറ്റിങ് സ്ഥാപനത്തിലെ സെയില്‍സ് പ്രതിനിധികളെന്ന് സ്വയം പരിചയപ്പെടുത്തി യുവതിയുടെ മാല പൊട്ടിക്കാന്‍ ശ്രമിച്ച കേസില്‍ രണ്ട് യുവാക്കളെ മുളങ്കുന്നത്ത് കാവ് മെഡിക്കല്‍ കോളജ് പൊലിസ് അറസ്റ്റ് ചെയ്തു.
അങ്കമാലി ചെറിയ പാലത്തില്‍ കിഴക്കും തല വീട്ടില്‍ റിജോ ജോണ്‍ (29), ആലപ്പുഴ സക്കറിയ വാര്‍ഡില്‍ ദേവസ്വം പുരയിടത്തില്‍ സിറാജ് (21) എന്നിവരാണ് പൂമലയില്‍ വെച്ച് പിടിയിലായത്. തിങ്കളാഴ്ച്ചയാണ് കേസിനാസ്പദമായ സംഭവം. തങ്ങാലൂര്‍ പരപ്പാറയില്‍ വലിയ വീടുപടിക്കല്‍ അനൂപിന്റെ ഭാര്യ മേഘ (22)ആണ് ആക്രമിക്കപ്പെട്ടത്. വീട്ടു സാധനങ്ങള്‍ പരിചയപ്പെടുന്നതിനും, വില്‍ക്കുന്നതിനുമാണ് യുവാക്കള്‍ എത്തിയത്. സാധനങ്ങള്‍ നോക്കുന്നതിനിടെ റിജോ ജോണി യുവതിയുടെ മാല പൊട്ടിച്ചെടുക്കാന്‍ ശ്രമിക്കുകയായിരുന്നു. മാല വിട്ടുകൊടുക്കാതെ മോഷ്ടാക്കളെ നേരിട യുവതി ഒച്ച വെച്ചതോടെ ചവിട്ടി വീഴ്ത്തിയാണ് സംഘം രക്ഷപ്പെട്ടത്.