വാടാനപ്പള്ളി: സംസ്ഥാന സര്‍ക്കാറിന്റെ കൃഷി വികസന പദ്ധതി പ്രകാരം വാടാനപ്പള്ളി കൃഷിഭവന്റെ മേല്‍നോട്ടത്തില്‍ കമലാ നെഹ്‌റു മെമ്മോറിയല്‍ വി.എച്ച്.എസ്.എസിലെ എന്‍.എസ്.എസ് യൂനിറ്റ് കരനെല്‍ കൃഷി പദ്ധതി ഏറ്റെടുത്തു.
കൃഷി ഓഫിസര്‍ എം.മുര്‍ഷിദ് ജ്യോതി നെല്ല് വിതച്ച് പരിപാടി ഉദ്ഘാടനം ചെയ്തു. പൂര്‍ണമായും ജൈവ കൃഷിയാണ് വിദ്യാര്‍ഥികള്‍ അവലംബിക്കുന്നത്.
പി.ടി.എ പ്രസിഡന്റ് ജുബുമോന്‍ വാടാനപ്പള്ളി, വൈസ് പ്രിന്‍സിപ്പാള്‍ അനിത മുകുന്ദന്‍, സ്‌കൂള്‍ പ്രധാന അധ്യാപകന്‍ കെ.ജെ സുനില്‍, രക്ഷിതാവ് രജനി ജെ, യുവകര്‍ഷകനും അധ്യാപകനുമായ ഷാഹുല്‍ ഹമീദ് സഗീര്‍, എം.ജി വസന്തകുമാരി, വി.ഡി സന്ദീപ്, അനിത നായര്‍, അജി ജോര്‍ജ് ആലപ്പാട് സംസാരിച്ചു.