ന്യൂഡല്‍ഹി: ബി.സി.സി.ഐ ഇടക്കാല ഭരണസമിതിയില്‍ നിന്ന് ചരിത്രകാരനായ രാമചന്ദ്ര ഗുഹ രാജി വെച്ചു. വ്യക്തിപരമായ കരാണങ്ങളാണ് രാജിയെന്നാണ് അദ്ദേഹത്തിന്റെ പ്രതികരണം. രാജിക്കത്ത് ഭരണ സമിതി ചെയര്‍മാന്‍ വിനോദ് റായിക്ക് കൈമാറിയതായി അദ്ദേഹം സുപ്രിംകോടതിയെ അറിയിച്ചു. സുപ്രിം കോടതിയാണ് അദ്ദേഹത്തെ സമിതിയില്‍ ഉള്‍പെടുത്തിയത്.

തന്നെ ഉത്തരവാദിത്വത്തില്‍ നിന്ന് ഒഴിവാക്കിത്തരണമെന്ന് അദ്ദേഹം കോടതിയോട് ആവശ്യപ്പെട്ടു. ആവശ്യം ജൂലൈ 14ന് കോടതി പരിഗണിക്കും.

വിനോദ് റായിയുടെ നേതൃത്വത്തിലുള്ള നാലംഗ ഇടക്കാല ഭരണ സമിതിയെ ജനുവരി 30നാണ് സുപ്രിം കോടതി നിയമിച്ചത്. ഐഡിഎഫ്‌സി സിഇഒ വിക്രം ലിമയെ, വനിതാ ക്രിക്കറ്റ് ടീം മുന്‍ ക്യാപ്റ്റന്‍ ദിയാന എന്നിവരാണ് സമിതിയിലെ മറ്റു രണ്ടുപേര്‍.