ന്യൂഡല്‍ഹി: മുസ്‌ലിം ഡെലിവറി ബോയില്‍ നിന്ന് സൊമാട്ടോ ഓര്‍ഡര്‍ സ്വീകരിക്കാത്ത സംഭവത്തില്‍ വിവാദം കത്തുന്നതിനിടെ, കടുത്ത വിദ്വേഷപ്രകടനവുമായി തീവ്ര വലതുപക്ഷ സംഘടനാ നേതാവ്. ടി.വി ചര്‍ച്ചയ്ക്കിടെ അവതരാകന്‍ മുസ്‌ലിമാണെന്നറിഞ്ഞ് കൈ കൊണ്ട് കണ്ണു പൊത്തുകയാണ് ഹം ഹിന്ദു എന്ന സംഘടനയുടെ നേതാവായ അജയ് ഗൗതം.

ന്യൂസ് 24 എന്ന ഹിന്ദി ചാനല്‍ ചര്‍ച്ചയ്ക്കിടെയാണ് സംഭവം. സൊമാട്ടോ വിഷയം തന്നെയായിരുന്നു ചാനലിലെ ചര്‍ച്ച. എന്നാല്‍ മുസ്‌ലിം അവതാരകനെന്നറിഞ്ഞ ഹം ഹിന്ദു നേതാവ് അജയ് ഗൗതം കാണാതിരിക്കാന്‍ കണ്ണുപൊത്തുകയായിരുന്നു.

ഇനി ഇയാളെ ചാനല്‍ ചര്‍ച്ചയിലേക്ക് ക്ഷണിക്കില്ലെന്ന് ചാനല്‍ മേധാവികള്‍ വ്യക്തമാക്കി. സംഭവം അപലപനീയമാണെന്നും ന്യൂസ്‌റൂമില്‍ സംഭവിച്ച കാര്യത്തില്‍ ഞെട്ടിയിരിക്കുകയാണെന്നും മേലില്‍ ഇയാളെ സ്റ്റുഡിയോയിലേക്ക് വിളിക്കില്ലെന്നും ചാനല്‍ മേധാവി അനുരാധ പ്രസാദ് ട്വീറ്റ് ചെയ്തു.

we at the newsroom of @news24tvchannel are in shock at the inappropriate & condemnable behaviour of Mr Ajay Gautam . Ethics of journalism do not allow to give platform to such devisive voices & gestures . @news24tvchannel has decided not to invite Mr Ajay Gautam to its studio .

— Anurradha Prasad (@anurradhaprasad) August 1, 2019

ചര്‍ച്ചയുടെ പൂര്‍ണഭാഗം യൂട്യൂബില്‍ അപ്‌ലോഡ് ചെയ്‌തെങ്കിലും അജയ് ഗൗതമിന്റെ ദൃശ്യങ്ങള്‍ കട്ട് ചെയ്തിട്ടുണ്ട്. ഇതിന്റെ ചെറിയ ക്ലിപ്പാണ് പിന്നീട് പുറത്തുവന്നത്.

ഇതോടെ വിവാദമാവുകയും പലരും ശക്തമായ വിമര്‍ശനവുമായി രംഗത്തെത്തുകയും ചെയ്തു.

TV Panelist, a so-called representative of Hindus, refuses to even see the face of a Muslim broadcaster! This is New India. #StopLynchings https://t.co/52YFjM7UFB

— Ashok Swain (@ashoswai) August 1, 2019

ഞാനൊരു ഹിന്ദുവാണെന്നും എന്നാല്‍ എന്നാല്‍ ഇത്രയും വലിയ ബുദ്ധഹീനത കേട്ടിട്ടില്ലെന്നും സുപ്രിംകോടതി അഭിഭാഷകനായ ബ്രിജേഷ് കലപ്പ ട്വീറ്റ് ചെയ്തു

Hindu Leader?! I'm a Hindu and have never heard of this imbecile called Ajay Gautam. https://t.co/n0TaYwNmAY

— Brijesh Kalappa (@brijeshkalappa) August 2, 2019