ഒറ്റപ്പാലം: സംസ്ഥാന പാതയില്‍ ഒറ്റപ്പാലം നഗരത്തിലുള്ള വിദേശ മദ്യഷോപ്പില്‍ മോഷണം. 61100 രൂപയും ഏതാനും വിദേശ മദ്യ കുപ്പികളും മോഷണം പോയി. ചുമര്‍ കുത്തി തുറന്നാണ് അകത്തു കയറിയത്. ഞായറാഴ്ച രാവിലെയാണ് മോഷണം നടന്നത് അറിഞ്ഞത്. ശനിയാഴ്ച്ച രാത്രിയാണ് മോഷണം നടന്നതെന്ന് കരുതുന്നു. വിരലടയാള വിദഗ്ദര്‍ പരിശോധന നടത്തി. രണ്ടു വര്‍ഷങ്ങള്‍ക്കിടയില്‍ പത്തിരിപ്പാലയിലേയും കുളപ്പുള്ളിയിലേയും വിദേശമദ്യ ഷാപ്പുകളില്‍ നിന്ന് സമാന രീതിയില്‍ മോഷണം നടന്നിരുന്നു. രണ്ട് മോഷണങ്ങളിലുമായി ലക്ഷങ്ങള്‍ നഷ്ടപ്പെട്ടെങ്കിലും പ്രതികളെ പിടികൂടാന്‍ കഴിഞ്ഞിരുന്നില്ല. ഒറ്റപ്പാലത്തെ മോഷണത്തിലും ഒന്നിലധികം പേരുണ്ടെന്നാണ് നിഗമനം.