ആനക്കര: നിര്‍ധന കുടുംബത്തിന്റെ വീട് സൗജന്യമായി വയറിങ് നടത്തി വെളിച്ചം ലഭ്യമാക്കി കെ.എസ്.ഇ.ബി ജീവനക്കാര്‍ മാതൃകയായി. കുമ്പിടി ഇലക്ട്രിക്കല്‍ സെക്ഷന്‍ ഓഫിസിലെ കെ.എസ്.ഇ.ബി വര്‍ക്കേഴ്‌സ് അസോസിയേഷന്‍ (സി.ഐ.ടി.യു)പ്രവര്‍ത്തകരുടെ നേതൃത്യത്തിലാണ് വയറിങ് നടത്തിയത്. കൂടല്ലൂര്‍ മെഴിക്കുന്ന് അരിങ്ങാട്ടു കുഴിയില്‍ കുഞ്ഞന്റെ വീടാണ് വൈദ്യുതീകരിച്ചത്.
യൂനിയന്‍ പട്ടാമ്പി ഡിവിഷന്‍ സെക്രട്ടറി ദേവദാസ്, പ്രസിഡന്റ് ഷിഹാബുദീന്‍, സംസ്ഥാന കമ്മിറ്റി അംഗം ടി.പി ഉണ്ണികൃഷ്ണന്‍, സബ് എന്‍ജിനിയര്‍ മാരായ ഷൈജു, മഹേഷ്, മോഹന്‍, സംഗീത്, ഓവര്‍സിയര്‍ നാസറുദീന്‍ സംസാരിച്ചു.