ലോര്‍ഡ്‌സ്: ആഷസ് ക്രിക്കറ്റ് ടെസ്റ്റില്‍ ഇംഗ്ലണ്ട് പൊരുതുന്നു. ഒന്നാം ഇന്നിങ്‌സിന്റെ ആദ്യ ദിനത്തില്‍ 284 റണ്‍സിന് ആസ്‌ത്രേലിയ പുറത്തായിരുന്നു. സ്റ്റീവ് സ്മിത്തിന്റെ സെഞ്ചുറിയുടെ കരുത്തിലായിരുന്നു ആസ്‌ത്രേലിയക്ക് മെച്ചപ്പെട്ട സ്‌കോര്‍ കണ്ടെത്താനായത്. മറുപടി ബാറ്റിങ്ങിനിറങ്ങിയ ഇംഗ്ലണ്ട് മെച്ചപ്പെട്ട രീതിയിലാണ് ബാറ്റ് വീശുന്നത്. 7.2 ഓവര്‍ ആയപ്പോഴേക്കും ജേസണ്‍ റോയിയെ നഷ്ടമായി. സ്‌കോര്‍ 22 നില്‍ക്കുമ്പോഴായിരുന്നു ആദ്യ വിക്കറ്റ് നഷ്ടമായത്. പിന്നീട് 119 പന്ത് നേരിട്ട് 57 റണ്‍സുമായി ജോ റൂട്ടും പവലിയനിലേക്ക് മടങ്ങി. ഓസീസിന്റെ ശക്തമായ ബൗളിങ്ങിന് മുന്നില്‍ പിടിച്ച് നില്‍ക്കാനാകാതെ 36 പന്തില്‍ നിന്ന് 18 റണ്‍സുമായി ജോ ഡെന്‍ലിയും മടങ്ങി. ഒരു തലയില്‍ വിക്കറ്റുകള്‍ പോയിക്കൊണ്ടിരുന്നപ്പോള്‍ റോറി ജോസഫ് ക്രീസില്‍ ഉറച്ച് നിന്നു. റോറിയുടെ സെഞ്ചുറിയാണ് ഇംഗ്ലണ്ട് രണ്ടാം ദിനം മെച്ചപ്പെട്ട സ്‌കോര്‍ സമ്മാനിച്ചത്.
10 പന്ത് നേരിട്ട ജോസ് ബട്‌ലര്‍ക്ക് അഞ്ച് റണ്‍സ് മാത്രമേ എടുക്കാനായുള്ളു. ജെയിംസ് പാറ്റിന്‍സനാണ് ഇംഗ്ലണ്ടിന്റെ വിലപ്പെട്ട വിക്കറ്റുകള്‍ പിഴുതെടുത്തത്. ഒടുവില്‍ വിവരം ലഭിക്കുമ്പോള്‍ ഇംഗ്ലണ്ട് നാല് വിക്കറ്റ് നഷ്ടത്തില്‍ 210 റണ്‍സെടുത്തിട്ടുണ്ട്.