അലനല്ലൂര്‍: പൊലിസെന്ന് കേട്ടാല്‍ ഭയപ്പാടോടെ കാണുന്ന കരുന്നുകള്‍ക്ക് സ്‌കൂള്‍ പ്രവേശനോത്സവത്തില്‍ മധുരം പകര്‍ന്ന് നാട്ടുകല്‍ പൊലിസ്.
പുതിയ അധ്യായന വര്‍ഷത്തില്‍ പുത്തനുടുപ്പിട്ട് അറിവിന്റെ ആദ്യാക്ഷരങ്ങള്‍ നുകരാന്‍ വന്ന കുരുന്നുകള്‍ക്ക് ആശംസകാര്‍ഡുകളും മധുര മിഠായികളും വിതരണം ചെയ്താണ് സബ് ഇന്‍സ്‌പെക്ട്രര്‍ മുരളീതരനൊപ്പം കീഴിലുള്ള പൊലിസ് സംഘം മാതൃകയായത്.
കൂടാതെ പ്രദേശത്തെ സ്‌കൂളുകളില്‍ കുട്ടികളുടെ സുരക്ഷ ഉറപ്പാക്കാന്‍ രാവിലെ മുതല്‍ സ്‌കൂളുകളില്‍ പൊലിസ് സാനിധ്യം ഉറപ്പ് വരുത്തിയിരുന്നു.
അലനല്ലൂര്‍ കൃഷ്ണ എല്‍.പി സ്‌കൂളില്‍ നടന്ന പ്രവേശനോത്സവ ആശംസ കാര്‍ഡ് വിതരണ ഉദ്ഘാടനം എസ്.ഐ മുരളീതരന്‍ ഉദ്ഘാടനം ചെയ്തു.