തൊട്ടില്‍പ്പാലം: കൈക്കൂലിക്കേസിലെ പരാതിക്കാരന്‍ കായക്കൊടി പയപ്പറ്റ സലീമിന്റെ വീട്ടുമുറ്റത്ത് നിര്‍ത്തിയിട്ട ബൈക്ക് ദുരൂഹസാഹചര്യത്തില്‍ കത്തിനശിച്ചു. സലീമിന്റെ വീടിന്റെ കാര്‍പോര്‍ച്ചില്‍ നിര്‍ത്തിയിട്ടിരുന്ന അയല്‍വാസിയായ മമ്മൂട്ടി വടനാട് എന്നയാളുടെ പള്‍സര്‍ ബൈക്കാണ് ഇന്നലെ പുലര്‍ച്ചെ കത്തിനശിച്ചത്. കൈക്കൂലിവാങ്ങിയ കേസില്‍ കഴിഞ്ഞ ദിവസം വടകര മുനിസിപ്പാലിറ്റിയിലെ എന്‍ജിനീയര്‍ ആര്‍. ശ്രീകുമാറിനെ 1,60,000 രൂപയുമായി വിജിലന്‍സ് അറസ്റ്റ് ചെയ്തിരുന്നു. ഈ കേസിലെ പരാതിക്കാരനാണ് സലീം. സംഭവത്തില്‍ തൊട്ടില്‍പ്പാലം പൊലിസ് കേസെടുത്ത് അന്വേഷണം ആരംഭിച്ചു.