കല്‍പ്പറ്റ: ഉന്നത കാഴ്ചപ്പാടുള്ളവരെ മാതൃകയാക്കുന്നതോടൊപ്പം സ്വന്തമായി തീരുമാനമെടുക്കാനും മറ്റുള്ളവരുടെ പ്രചോദനങ്ങള്‍ സ്വായത്തമാക്കാനും വിദ്യാര്‍ഥികള്‍ക്ക് കഴിയണമെന്ന് ജില്ലാ കലക്ടര്‍ കേശവേന്ദ്രകുമാര്‍ അഭിപ്രായപ്പെട്ടു.
മുട്ടില്‍ വയനാട് ഓര്‍ഫനേജ് വൊക്കേഷനല്‍ ഹയര്‍ സെക്കന്‍ഡറി സ്‌ക്കൂള്‍ പി.ടി.എ സംഘടിപ്പിച്ച സ്‌കോളേഴ്‌സ് മീറ്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പി.ടി.എ പ്രസിഡന്റ് നജീബ് കാരാടന്‍ അധ്യക്ഷനായി. വിവിധ പരീക്ഷകളില്‍ ഉന്നത വിജയം നേടിയവര്‍ക്കുള്ള അവാര്‍ഡുകള്‍ മുട്ടില്‍ പഞ്ചായത്ത് പ്രസിഡന്റ് എ.എം നജീം, വയനാട് ഓര്‍ഫനേജ് ജന.സെക്രട്ടറി എം.എ മുഹമ്മദ് ജമാല്‍ എന്നിവര്‍ വിതരണം ചെയ്തു. ബിന്ദു മനോഹരന്‍, യു ഇബ്‌റാഹിം മാസ്റ്റര്‍, എന്‍.ടി ഷാജി, മോളി ടീച്ചര്‍, മുഹമ്മദ് മിദ്‌ലാജ്, എം.പി മുസ്തഫ, കെ.പി ഷാരിഫ, മാസ്റ്റര്‍ സല്‍മാന്‍, ബിനുമോള്‍ ജോസ്, പി അബ്ദുല്‍ ജലീല്‍, പി.വി മൊയ്തു, ജെസിപോള്‍ സംസാരിച്ചു.