കണ്ണൂര്‍: തോട്ടട ശ്രീനാരായണ സ്‌കൂളിനു സമീപം കെ.എസ്.യു-എസ്.എഫ്.ഐ സംഘര്‍ഷം. കെ.എസ്.യു പ്രവര്‍ത്തകന്‍ കണ്ണൂര്‍ എസ്.എന്‍ കോളജ് സമീപം യാദവതെരുവിലെ എം. രാഹുലിനു ഗുരുതര പരുക്കേറ്റു. ബുധനാഴ്ച രാത്രി 11ഓടെ എസ്.എഫ്.ഐ-ഡി.വൈ.എഫ്.ഐ പ്രവര്‍ത്തകര്‍ സംഘടിച്ചെത്തി ആക്രമണം നടത്തിയതാണെന്ന് കോണ്‍ഗ്രസ് ആരോപിച്ചു. സ്‌കൂളിനു മുന്‍പില്‍ കെ.എസ്.യു പ്രവര്‍ത്തകര്‍ നവാഗതര്‍ക്കുള്ള സ്വാഗത ബാനര്‍ കെട്ടുമ്പോഴായിരുന്നു ആക്രമണം. രാഹുലിനെ ഇരുകാലുകള്‍ക്കും ഇടത് കൈവിരലുകള്‍ക്കും അടിയേറ്റ് സാരമായി പരുക്കേറ്റ നിലയില്‍ തലശ്ശേരി ഇന്ദിരാഗാന്ധി ആശുപത്രിയില്‍ പ്രവേശിപ്പിച്ചു. പരുക്കേറ്റ രണ്ട് എസ്.എഫ്.ഐ പ്രവര്‍ത്തകരെ കണ്ണൂര്‍ എ.കെ.ജി ആശുപത്രിയില്‍ പ്രവേശിപ്പിച്ചു.
രാഹുലിനെ ഡി.സി.സി പ്രസിഡന്റ് സതീശന്‍ പാച്ചേനി ആശുപത്രിയില്‍ സന്ദര്‍ശിച്ചു.