ബംഗളൂരു: കര്‍ണാടകയില്‍ പ്രതിപക്ഷ സ്ഥാനത്തിനുവേണ്ടി കോണ്‍ഗ്രസില്‍ മത്സരം. വിമതരെ അയോഗ്യരാക്കിയാല്‍ 17 മണ്ഡലങ്ങളിലും ഉപതെരഞ്ഞെടുപ്പ് നടക്കും.
ഇതിനുള്ള ഒരുക്കങ്ങള്‍ സജീവമാക്കേണ്ട സാഹചര്യത്തിലാണ് പ്രതിപക്ഷ നേതൃസ്ഥാനത്തേക്ക് കണ്ണുവച്ച് കോണ്‍ഗ്രസില്‍ പടയൊരുക്കം സജീവമായത്. പ്രതിപക്ഷ നേതാവിന്റെ പദവിയില്‍ നോട്ടമിട്ടാണ് പാര്‍ട്ടിയിലെ അതിശക്തരായ മൂന്ന് പേര്‍ വടം വലി തുടങ്ങിയത്.
മുതിര്‍ന്ന നേതാക്കളായ സിദ്ധരാമയ്യ, മുന്‍ ഉപമുഖ്യമന്ത്രി ജി. പരമേശ്വര, ഡി.കെ ശിവകുമാര്‍ എന്നിവരാണ് പദവിയ്ക്കായി നോട്ടമെറിഞ്ഞിരിക്കുന്നത്.
മുതിര്‍ന്ന നേതാക്കളായ വീരപ്പ മൊയ്‌ലി, സംസ്ഥാന അധ്യക്ഷന്‍ ദിനേശ് ഗുണ്ടു റാവു, റഹ്മാന്‍ ഖാന്‍, കെ.എച്ച് മുനിയപ്പ, എച്ച്.കെ പാട്ടീല്‍, രാമലിംഗ റെഡ്ഢി എന്നിവരും പ്രതിപക്ഷ നേതാവിനെ കുറിച്ചുള്ള തങ്ങളുടെ അഭിപ്രായങ്ങള്‍ നേതൃത്വത്തെ അറിയിച്ചിട്ടുണ്ട്.