എടക്കര: നെല്ലിക്കുത്ത് വനാതിര്‍ത്തിയില്‍ കാട്ടാനകളെ പ്രതിരോധിക്കാന്‍ സ്ഥാപിച്ച വൈദ്യുതി വേലി തകര്‍ത്തത് പുനര്‍നിര്‍മിക്കാന്‍ സാധിക്കാത്തതില്‍ നാട്ടുകാര്‍ ഭീതിയില്‍. കരിമ്പിന്‍ പൊട്ടി മുതല്‍ വനം ക്വാര്‍ട്ടേഴ്‌സ് വരെ ഒന്നര കിലോമീറ്റര്‍ ദൂരമാണു ജില്ലാ പഞ്ചായത്തിന്റെ ഫണ്ട് ഉപയോഗിച്ച് വൈദ്യുതി വേലി സ്ഥാപിച്ചത്. താഴെവയല്‍, കരിമ്പിന്‍ പൊട്ടി, എന്നിവിടങ്ങളിലാണു കാട്ടാനകള്‍ വേലി തകര്‍ത്തിരിക്കുന്നത്. വനം ക്വാര്‍ട്ടേഴ്‌സിനു സമീപം മരം വീണും വേലി തകര്‍ന്നിട്ടുണ്ട്. തെക്കേ പാലാട്, മുന്നൂറ്, തഴവയല്‍, ഭാഗത്ത് ശക്തമായ കാട്ടാന ശല്യമാണു നേരിടുന്നത്.