വളാഞ്ചേരി: വളാഞ്ചേരി കാവുംപുറത്തുനിന്നു കുറ്റിപ്പുറം എക്‌സൈസ് സംഘം കഞ്ചാവ് ചെടികള്‍ കണ്ടെടുത്തു. രണ്ടു മാസത്തോളം വളര്‍ച്ചയെത്തിയ വീര്യംകൂടിയ നീലച്ചടയന്‍ വിഭാഗത്തില്‍ പ്പെടുന്ന ആറോളം കഞ്ചാവ് ചെടികളാണ് കണ്ടെടുത്തത്. അന്യസംസ്ഥാന തൊഴിലാളികള്‍ തിങ്ങിപ്പാര്‍ക്കുന്ന ക്വാര്‍ട്ടേഴ്‌സിനു സമീപത്തുനിന്നാണ് ഇവ കണ്ടെത്തിയത്.
ചെടികള്‍ നട്ടുവളര്‍ത്തിയതെന്നു സംശയിക്കുന്ന അന്യസംസ്ഥാന തൊഴിലാളികളെക്കുറിച്ചു സൂചന ലഭിച്ചതായും അന്വേഷിച്ചുവരികയാണെന്നും കുറ്റിപ്പുറം എക്‌സൈസ് ഇന്‍സ്‌പെക്ടര്‍ പി.എല്‍  ബിനുകുമാര്‍ പറഞ്ഞു. പ്രിവന്റീവ് ഓഫിസര്‍ രാജേഷ്, സിവില്‍ എക്‌സൈസ് ഓഫിസര്‍മാരായ രാജീവ് കുമാര്‍, ഹംസ, ഗണേഷന്‍, ഐശ്വര്യ എന്നിവര്‍ എക്‌സൈസ് സംഘത്തിലുണ്ടായിരുന്നു.