കണ്ണൂര്‍: എല്ലാം ശരിയാക്കുമെന്ന് പറഞ്ഞ് അധികാരത്തിലെത്തിയ എല്‍.ഡി.എഫ് ശരിയാക്കിയത് മാധ്യമ പ്രവര്‍ത്തകരെ ആണെന്നും ഇതു ജനങ്ങളുടെ അറിയാനുള്ള അവകാശത്തിന്‍മേലുള്ള കടന്നു കയറ്റമാണെന്നും ഹൈബി ഈഡന്‍ എം.എല്‍.എ.
അഴീക്കോട് നിയോജക മണ്ഡലം യൂത്ത് കോണ്‍ഗ്രസ് പ്രസിഡന്റായി തെരഞ്ഞെടുത്ത ഷറഫുദ്ദീന്‍ കാട്ടാമ്പള്ളിയുടെ സ്ഥാനാരോഹണ ചടങ്ങ് ഉദ്ഘാടനം ചെയ്യുകയായിരുന്നു ഹൈബി. മാധ്യമങ്ങളെ വിലക്കികൊണ്ട് അപ്രഖ്യാപിത അടിയന്തിരാവസ്ഥക്കാണ് നീക്കം നടക്കുന്നതെന്നും ഹൈബി ഈഡന്‍ പറഞ്ഞു. ലോക്‌സഭാ മണ്ഡലം പ്രസിഡന്റ് റിജില്‍ മാക്കുറ്റി അധ്യക്ഷനായി. ഡി.സി.സി പ്രസിഡന്റ് കെ സുരേന്ദ്രന്‍, എം.പി മുരളി, കെ പ്രമോദ്, അഡ്വ. മാര്‍ട്ടിന്‍ ജോര്‍ജ്, ടി ജയകൃഷ്ണന്‍, സി.വി സന്തോഷ്, അജിത്ത് മാട്ടൂല്‍, നാരായണന്‍, വി.വി പുരുഷോത്തമന്‍, കെ ബാലകൃഷ്ണന്‍, രജിത്ത് നാറാത്ത്, എ.പി വേലായുധന്‍, കൂക്കിരി രാജേഷ്, അമൃത രാമകൃഷ്ണന്‍, കല്ലിക്കോടന്‍ രാഗേഷ്, ടി.കെ അജിത്ത്, സുരേഷ് ബാബു എളയാവൂര്‍, കെ കമല്‍ജിത്ത്, പി.എ ഹരി, സി നാരായണന്‍, ഷറഫുദ്ധീന്‍ കടന്നപ്പള്ളി സംസാരിച്ചു.