കോഴിക്കോട്: അധ്യയന വര്‍ഷാരംഭത്തില്‍ കോഴിക്കോട്ടെ ബൈരായികുളം സര്‍ക്കാര്‍ സ്‌കൂളില്‍ ഒന്നാം ക്ലാസിലെത്തിയത് ഒരാള്‍ മാത്രം.
ഉത്തര്‍പ്രദേശുകാരായ ഉമേഷ്ശര്‍മയുടേയും ആശയുടേയും മകന്‍ ദേവ്ശര്‍മയാണ് ഒന്നാം ക്ലാസില്‍ പ്രവേശനം നേടിയെത്തിയ ഏക വിദ്യാര്‍ഥി. മറ്റു സ്‌കൂളുകളിലെന്ന പോലെ ബൈരായികുളം സ്‌കൂളും പ്രവേശനോത്സവത്തിനായി അണിഞ്ഞൊരുങ്ങിയിരുന്നു. എന്നാല്‍ ദേവ്ശര്‍മയെത്തിയത് ചടങ്ങുകളെല്ലാം കഴിഞ്ഞ് 11.30ഓടെയാണ്.
രണ്ടാം ക്ലാസിലും നാലാം ക്ലാസിലും അഞ്ച് പേര്‍ വീതവും ഒന്നാം തരത്തില്‍ രണ്ട് പേരും മൂന്നാം ക്ലാസിലെ മൂന്നു പേരുമുള്‍പ്പെടെ 15 വിദ്യാര്‍ഥികളാണ് ഇവിടെ പഠിക്കുന്നത്.