കോടാലി: വെള്ളിക്കുളങ്ങര സര്‍വിസ് സഹകരണ ബാങ്കിന്റെ നവീകരിച്ച ഹെഡ് ഓഫിസ് കെട്ടിടത്തിന്റെ ഉദ്ഘാടനം, എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയികള്‍ക്ക് പുരസ്‌കാര വിതരണം സംസ്ഥാന, ദേശീയ തലത്തില്‍ പുരസ്‌കാരങ്ങള്‍ നേടിയ വിശിഷ്ട വ്യക്തികള്‍ക്ക് അനുമോദനം എന്നിവ സംഘടിപ്പിച്ചു.
വിദ്യാഭ്യാസ മന്ത്രി സി.രവീന്ദ്രനാഥ് ഉദ്ഘാടനം ചെയ്തു. പ്രസിഡന്റ് പിയൂസ് സിറിയക് അധ്യക്ഷനായി. ആശ്രയ പെന്‍ഷന്‍ പദ്ധതിയുടെ ഉദ്ഘാടനം സി.പി.എം കൊടകര ഏരിയ സെക്രട്ടറി ടി.എ രാമകൃഷ്ണനും, സെന്‍ട്രല്‍ സെര്‍വറിന്റെ ഉദ്ഘാടനം അസിസ്റ്റന്റ് രെജിസ്ട്രര്‍ സി.സി ഗീവറും നിര്‍വഹിച്ചു.
പി.കെ ശിവരാമന്‍, മോഹനന്‍ ചള്ളിയില്‍ എന്നിവര്‍ വിശിഷ്ട വ്യക്തികളെ അനുമോദിച്ചു.
കെ.വേണുഗോപാലന്‍, ടി.എം ചന്ദ്രന്‍, ശ്രീധരന്‍ കളരിക്കല്‍, മാത്യു ഈഴപ്പറമ്പില്‍, മോളി തോമസ്, ബാങ്ക് സെക്രട്ടറി കെ.ആര്‍ രാധാകൃഷ്ണന്‍, പി.സി ഉമേഷ് സംസാരിച്ചു. കെ.കെ സുബ്രന്‍ സ്വാഗതവും, ബാങ്ക് അസിസ്റ്റന്റ് സെക്രട്ടറി എന്‍.എസ് വിദ്യാധരന്‍ നന്ദിയും പറഞ്ഞു.