ചേളാരി: സമസ്ത കേരളാ സുന്നി ബാലവേദി സില്‍വര്‍ ജൂബിലി സമ്മേളനത്തിനു മുന്നോടിയായുള്ള റെയ്ഞ്ച് എസ്.കെ.എസ്.ബി.വി ചെയര്‍മാന്‍, കണ്‍വീനര്‍മാരുടെ സംസ്ഥാനതല നേതൃസംഗമം 20നു രാവിലെ 10നു ചേളാരി സമസ്ത ഓഡിറ്റോറിയത്തില്‍ നടക്കും.
റെയ്ഞ്ച്തല പ്രവര്‍ത്തനങ്ങള്‍ ഏകോപിപ്പിക്കുന്നതിനും യൂനിറ്റുതല പ്രവര്‍ത്തനങ്ങള്‍ ശക്തിപ്പെടുത്തുന്നതിനുമായി സംഘടിപ്പിക്കുന്ന നേതൃസംഗമത്തില്‍ പാണക്കാട് സയ്യിദ് അസീല്‍ അലി ശിഹാബ് തങ്ങള്‍, പാണക്കാട് സയ്യിദ് ഹാശിറലി ശിഹാബ് തങ്ങള്‍, പാണക്കാട് സയ്യിദ് റാജിഹ് അലി ശിഹാബ് തങ്ങള്‍, സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി, ഡോ. ബഹാഉദ്ദീന്‍ മുഹമ്മദ് നദ്‌വി, ഡോ.എന്‍.എ.എം അബ്ദുല്‍ ഖാദര്‍, കെ. മോയിന്‍കുട്ടി മാസ്റ്റര്‍, മഅ്മൂന്‍ ഹുദവി വണ്ടൂര്‍, അബ്ദുറഹ്മാന്‍ മുസ്‌ലിയാര്‍ കൊടക്, എം.എ ചേളാരി, കെ.കെ ഇബ്‌റാഹിം മുസ്‌ലിയാര്‍, മൊയ്തീന്‍ മുസ്‌ലിയാര്‍ പുറങ്ങ്, കെ.ടി ഹുസൈന്‍കുട്ടി മൗലവി, ഹസൈനാര്‍ ഫൈസി ഫറോക്ക്, അബ്ദുസ്സമദ് മുട്ടം, അബ്ദുല്‍ ഖാദര്‍ അല്‍ ഖാസിമി, ശഫീഖ് മണ്ണഞ്ചേരി, അഫ്‌സല്‍ രാമന്തളി, സയ്യിദ് സദഖത്തുല്ല തങ്ങള്‍, ഫുആദ് വെള്ളിമാടുകുന്ന്, റബീഉദ്ദീന്‍ വെന്നിയൂര്‍ സംബന്ധിക്കും.
മുഴുവന്‍ റെയ്ഞ്ച് ചെയര്‍മാന്‍, കണ്‍വീനര്‍മാരും കൃത്യസമയത്തു സംബന്ധിക്കണമെന്നു സംസ്ഥാന ചെയര്‍മാന്‍ അബ്ദുല്‍ ഖാദര്‍ അല്‍ ഖാസിമി, ജന. സെക്രട്ടറി അഫ്‌സല്‍ രാമന്തളി എന്നിവര്‍ അഭ്യര്‍ഥിച്ചു. ഡിസംബര്‍ 24, 25, 26 തിയതികളില്‍ മലപ്പുറം ബൈത്തുല്‍ ഹിക്മയിലാണ് എസ്.കെ.എസ്.ബി.വി സില്‍വര്‍ ജൂബിലി സമ്മേളനം നടക്കുന്നത്.