മാഞ്ചസ്റ്റര്‍: ഏറെ നാള്‍ നീണ്ട കാത്തിരിപ്പിനൊടുവില്‍ ക്ലബ് ക്യാപ്റ്റനെ പ്രഖ്യാപിച്ച് മാഞ്ചസ്റ്റര്‍ യുനൈറ്റഡ്. നിലവിലെ താല്‍ക്കാലിക ക്യാപ്റ്റനായ ആഷ്‌ലി യങ്ങിന് സ്ഥിരം ക്യാപ്റ്റന്‍സി പദവി നല്‍കിയാണ് പരിശീലകന്‍ ഒലെ ഗുണ്ണര്‍ സോള്‍ഷ്യര്‍ ടീമിലെ നായക അഭ്യൂഹത്തിന് വിരാമമിട്ടത്.
നേരത്തേ നായകനായിരുന്ന ഇക്വഡോര്‍ താരം അന്റോണിയോ വലന്‍സിയ യുനൈറ്റഡ് വിട്ടതോടെയാണ് നേരത്തേ വൈസ് ക്യാപ്റ്റനായ യങ്ങിനെ പകരക്കാരനായി നിയമിച്ചത്. എന്നാല്‍ കഴിഞ്ഞ സീസണില്‍ പകുതിയിലേറെ മത്സരങ്ങളിലും വലന്‍സിയ പരുക്കേറ്റ് പുറത്തിരുന്നതോടെ യങ് തന്നെയാണ് ടീമിനെ നയിച്ചത്.