നെടുമങ്ങാട്: ആര്യനാട് ഗ്രാമപഞ്ചായത്തില്‍ സ്ഥാപിക്കുന്ന  ജി. കാര്‍ത്തികേയന്‍ സ്മാരക മന്ദിരത്തിന്റെ (പകല്‍ വീട്) നിര്‍മാണോദ്ഘാടനം കെ.എസ് ശബരീനാഥന്‍ എം.എല്‍.എ നിര്‍വ്വഹിച്ചു. ഗ്രാമപഞ്ചായത്ത് പ്രസിഡന്റ് എസ്. ഷാമിലാ ബീഗം അധ്യക്ഷയായി. പഞ്ചായത്ത് വൈസ് പ്രസിഡന്റ് പ്രദീപ് കുമാര്‍, പഞ്ചായത്തംഗങ്ങളായ എസ്.അനില്‍കുമാര്‍, എസ്.ഗിരിജ, അബിളികുമാരി, ശ്രീജ, വിനിത, നിര്‍മ്മലന്‍ തുടങ്ങിയവര്‍ സംസാരിച്ചു.
ചടങ്ങില്‍ പഞ്ചായത്തിലെ എസ്.എസ്.എല്‍.സി, പ്ലസ്ടു പരീക്ഷകളില്‍ എ പ്ലസ് ലഭിച്ച വിദ്യാര്‍ഥികളേയും 10ാം ക്ലാസ് പരീക്ഷയില്‍ 100 ശതമാനം വിജയം നേടിയ മീനാങ്കല്‍ ട്രൈബല്‍ സ്‌കൂളിലെ ഹെഡ്മിസ്ട്രസിനേയും പി.ടി.എ പ്രസിഡന്റിനേയും സര്‍വ്വീസില്‍ നിന്നും വിരമിച്ച ഗ്രാമപ്പഞ്ചായത്ത് സെക്രട്ടറിയേയും ആദരിച്ചു.