മുട്ടില്‍: വയനാട് മുസ്‌ലിം യതീംഖാനയുടെ യുവജന വിഭാഗമായ ഒയാസിസിന്റെ നേതൃത്വത്തില്‍ 'മെഹ്ഫില്‍ 2017' യുവസംഗമം നാളെ യതീംഖാന ക്യാംപസില്‍ നടക്കും. മെഹ്ഫില്‍ യുവസംഗമത്തില്‍ ജില്ലയിലെ വിവിധ മഹല്ലുകളില്‍ നിന്നുള്ള സാമൂഹിക പ്രവര്‍ത്തകരായ യുവാക്കള്‍ പങ്കെടുക്കും. സംഗമം കെ.എം ഷാജി എം.എല്‍.എ ഉദ്ഘാടനം ചെയ്യും. യതീംഖാന ജനറല്‍ സെക്രട്ടറി എം.എ മുഹമ്മദ് ജമാല്‍ സന്ദേശം നല്‍കും. പ്രസിഡന്റ് കെ.കെ അഹമ്മദ് ഹാജി മുഖ്യപ്രഭാഷണം നടത്തും. സംഗമത്തില്‍ ആത്മീയതയുടെ പൊരുള്‍ എന്ന വിഷയത്തില്‍ പിണങ്ങോട് അബൂബക്കര്‍, വിദ്യഭ്യാസവും സാമൂഹിക നവീകരണവും എന്ന വിഷയത്തില്‍ പ്രൊ. അബ്ദുല്‍ അസീസ്, യുവത്വം ഖുര്‍ആനിലൂടെ എന്ന വിഷയത്തില്‍ റാഷിദ് ഗസാലി കൂളിവയല്‍ സംവദിക്കും.