കൊല്ലം: ലോക പരിസ്ഥിതി ദിനാഘോഷത്തിന്റെ ജില്ലാതല ഉദ്ഘാടനം ജൂണ്‍ അഞ്ചിന് രാവിലെ 10ന് കൊല്ലം ഗവണ്‍മെന്റ് മോഡല്‍ ബോയ്‌സ് വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ ഫിഷറീസ് മന്ത്രി ജെ മേഴ്‌സിക്കുട്ടിയമ്മ നിര്‍വഹിക്കും. വനം-വന്യജീവി വകുപ്പ്, ജില്ലാ പഞ്ചായത്ത്, ജില്ലാ സക്ഷരതാ മിഷന്‍ എന്നവയുടെ സംയുക്താഭിമുഖ്യത്തിലാണ് പരിപാടി. ജില്ലാ പഞ്ചായത്ത് നടപ്പാക്കുന്ന ഹരിതകേരളം ഗ്രീന്‍-ഓട്ടോ പദ്ധതി ചടങ്ങില്‍ മന്ത്രി ഉദ്ഘാടനംചെയ്യും. എം മുകേഷ് എം.എല്‍.എ അധ്യക്ഷത വഹിക്കും. എന്‍.കെ പ്രേമചന്ദ്രന്‍ എം.പി മുഖ്യപ്രഭാഷണം നടത്തും.
മേയര്‍ വി രാജേന്ദ്രബാബു, എം നൗഷാദ് എം.എല്‍.എ, ജില്ലാ പഞ്ചായത്ത് പ്രസിഡന്റ് കെ ജഗദമ്മ, ദക്ഷിണ മേഖല സി.സി.എഫ് ദീപക്മിശ്ര, ജില്ലാ കലക്ടര്‍ ഡോ. മിത്ര റ്റി, ജില്ലാ പഞ്ചായത്ത് വൈസ് പ്രസിഡന്റ് എം ശിവശങ്കരപ്പിള്ള, ജൂലിയറ്റ് നെല്‍സണ്‍, ബി ഷൈലജ, കെ എസ് ശ്രീകല, പഞ്ചായത്ത് ഡെപ്യൂട്ടി ഡയറക്ടര്‍ കെ സോമന്‍, കെ അയ്യപ്പന്‍ നായര്‍, മുംതാസ് ബായി, കോശി ജോണ്‍, കെ പ്രസാദ് തുടങ്ങിയവര്‍ സംസാരിക്കും.