കടയ്ക്കല്‍: വ്രതാനുഷ്ഠാനത്തിലൂടെ ആത്മവിശുദ്ധിയും സാമൂഹിക പ്രതിബന്ധതയും നേടലാണ് മുഖ്യലക്ഷ്യമെന്ന് കേരളാ മുസ്‌ലിം ജമാഅത്ത് ഫെഡറേഷന്‍ സംസ്ഥാന പ്രസിഡന്റ് കടയ്ക്കല്‍ അബ്ദുല്‍ അസീസ് മൗലവി അഭിപ്രായപ്പെട്ടു. കെ.എം.വൈ.എഫിന്റെ നേതൃത്വത്തില്‍ കടയ്ക്കല്‍ മുക്കുന്നം മന്നാനിയ്യാ ഓഡിറ്റോറിയത്തില്‍ നടന്ന റമദാന്‍ പ്രഭാഷണ പരമ്പരയുടെ ഉദ്ഘാടനം നിര്‍വ്വഹിക്കുകയായിരുന്നു അദ്ദേഹം.
എ.എം യൂസുഫുല്‍ ഹാദി അധ്യക്ഷത വഹിച്ചു. കടയ്ക്കല്‍ ജുനൈദ് ആമുഖ പ്രഭാഷണവും ഹാഫിസ് അബ്ദുല്‍ ലത്തീഫ് മൗലവി പ്രാര്‍ഥനയും നിര്‍വ്വഹിച്ചു. ഫഖ്‌റുല്‍ ഇസ്‌ലാം ഖാസിമി മുഖ്യപ്രഭാഷണം നടത്തി. ഇ.എം ഹുസൈന്‍, എ നൗഷാദ്, അര്‍ഷദ് പ്രസംഗിച്ചു. നാളെ രാവിലെ 10ന് പെരുമ്പാവൂര്‍ ഷംസുദ്ദീന്‍ ഖാസിമി സന്തുഷ്ട കുടുംബം എന്ന വിഷയത്തില്‍ ഫാമിലി കൗണ്‍സിലിംഗ് പ്രോഗ്രാം നടത്തും.