കൊണ്ടോട്ടി: ഹയര്‍ സെക്കന്‍ഡറി ഒന്നാം വര്‍ഷ പരീക്ഷാ ഫലത്തില്‍ കൊണ്ടോട്ടി ഇ.എം.ഇ.എ ഹയര്‍ സെക്കന്‍ഡറി സ്‌കൂള്‍ മുഴുവന്‍ വിഷയങ്ങളിലും കുടുതല്‍ എ പ്ലസ് നേടിയവരുടെ എണ്ണത്തില്‍ ജില്ലയില്‍ ഒന്നാമത്. 33 പേരാണ് മുഴുവന്‍ വിഷയങ്ങളിലും എ പ്ലസ് നേടിയത്. 535 വിദ്യാര്‍ഥികള്‍പരീക്ഷ എഴുതിയതില്‍ 483 പേര്‍ മുഴുവന്‍ വിഷയങ്ങളിലും യോഗ്യത നേടി.
സംസ്ഥാന തലത്തില്‍ ഇ.എം.ഇ.എ പത്താം സ്ഥാനത്താണ്. സ്‌കൂളിന് അഭിമാനകരമായ നേട്ടമുണ്ടാക്കിയ വിദ്യാര്‍ഥികളെ മാനേജ്‌മെന്റും അധ്യാപകരും അനുമോദിച്ചു. ചടങ്ങ് മാനേജര്‍ സി.പി കുഞ്ഞാന്‍ ഉദ്ഘാടനം ചെയ്തു. പ്രിന്‍സിപ്പല്‍ യു.അബ്ദുറഹ്മാന്‍ അധ്യക്ഷനായി. കെ. ഷാം, ഡോ. മുഹമ്മദ് പാലത്ത്, പി.കെ അബ്ദുസ്സലാം, കെ. ഫൈസല്‍ സംസാരിച്ചു.