ന്യൂഡല്‍ഹി: കശ്മിര്‍ വിഭജന ബില്ലിനെ ലോക്‌സഭയില്‍ എതിര്‍ത്ത് കേരളത്തില്‍ നിന്നുള്ള എം.പിമാര്‍. കാശ്മിരികള്‍ക്കെതിരേ കേന്ദ്ര സര്‍ക്കാര്‍ യുദ്ധം പ്രഖ്യാപിച്ചിരിക്കുകയാണന്ന് ചര്‍ച്ചയില്‍ പങ്കെടുക്കവെ പി.കെ കുഞ്ഞാലിക്കുട്ടി പറഞ്ഞു.

ചരിത്രപരമായ തെറ്റാണ് വിഭജനമെന്ന് എന്‍. കെ പ്രേമചന്ദ്രന്‍ പറഞ്ഞു. ഈ നിയമനിര്‍മ്മാണത്തിന്റെ പ്രത്യാഘാതങ്ങള്‍ ഗുരുതരമാണെന്നും ഭാവിയില്‍ സര്‍ക്കാരിന് അത് സമ്മതിക്കേണ്ടിവരുമെന്നും അദ്ദേഹം പറഞ്ഞു. ജനാധിപത്യ രാജ്യമെന്ന നിലയിലുള്ള ഇന്ത്യയുടെ വിശ്വാസ്യത ഇല്ലാതാക്കുമെന്ന് ശശിതരൂര്‍ പറഞ്ഞു. തെരഞ്ഞെടുക്കപ്പെട്ട ജനപ്രതിനിധികളോട് ചര്‍ച്ച ചെയ്യാതെയാണ് ബില്‍ സര്‍ക്കാര്‍ കൊണ്ടുവന്നത്. ഭരണകക്ഷി അംഗങ്ങള്‍ സഭയെ തെറ്റിദ്ധരിപ്പിക്കുകയാണെന്നും അദ്ദേഹം പറഞ്ഞു.