ന്യൂഡല്‍ഹി: വാഹനാപകടത്തില്‍ പരുക്കേറ്റ് ഗുരുതരാവസ്ഥയിലുള്ള ഉന്നാവോ പീഡനക്കേസില്‍ ഇരയായ പെണ്‍കുട്ടിയുടെ ആരോഗ്യ നിലയില്‍ മാറ്റമില്ലെന്ന് ഡല്‍ഹിയിലെ എയിംസ് ആശുപത്രി അധികൃതര്‍ അറിയിച്ചു. എയിംസിലെ ട്രോമാ സെന്ററില്‍ പ്രവേശിപ്പിച്ച പെണ്‍കുട്ടി ഗുരുതരാവസ്ഥയില്‍ തന്നെയാണ് തുടരുന്നത്. സുപ്രിംകോടതി ഉത്തരവിന്റെ അടിസ്ഥാനത്തില്‍ ചൊവ്വാഴ്ച രാത്രിയോടെയാണ് പ്രത്യേക വിമാനത്തില്‍ കുട്ടിയെ ഡല്‍ഹി എയിംസില്‍ എത്തിച്ചത്.

ലഖ്‌നൗവിലെ കിങ് ജോര്‍ജ് ആശുപത്രിയില്‍ നിന്ന് വിമാനത്താവളത്തിലേക്ക് മാര്‍ഗതടസമില്ലാത്ത വിധത്തില്‍ സുരക്ഷ ഒരുക്കിയാണ് പെണ്‍കുട്ടിയെ വിമാനത്താവളത്തില്‍ എത്തിച്ചിരുന്നത്.