എരുമേലി: ബക്കറ്റിലെ വെള്ളത്തില്‍ വീണ് രണ്ട് വയസുകാരന്‍ മരിച്ചു. ഇന്നലെ ഉച്ചയോടെ എലിവാലിക്കര ഈസ്റ്റില്‍ ആണ് സംഭവം. പള്ളിത്താഴത്ത് വീട്ടില്‍ ഷാല്‍ കുമാറിന്റെയും അശ്വതിയുടെയും രണ്ടുവയസുള്ള മകന്‍ അക്ഷയ് ഷാല്‍ ആണ് മരിച്ചത്. ബക്കറ്റില്‍ വീണ കളിപ്പാട്ടം എടുക്കാന്‍ ശ്രമിക്കുന്നതിനിടെ വെള്ളത്തില്‍ വീഴുകയായിരുന്നു.
ഉടന്‍ തന്നെ മുക്കൂട്ടുതറയില്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. സഹോദരി: അക്ഷയ ഷാല്‍. സംസ്‌കാരം പോസ്റ്റ്‌മോര്‍ട്ടത്തിന് ശേഷം ഇന്ന് വീട്ടുവളപ്പില്‍.