ലണ്ടന്‍: ചാംപ്യന്‍സ് ട്രോഫി ക്രിക്കറ്റില്‍ ആതിഥേയരായ ഇംഗ്ലണ്ടിന് തിരിച്ചടി. ഇംഗ്ലണ്ടിന്റെ മീഡിയം പേസര്‍ ക്രിസ് വോക്‌സ് പരുക്കേറ്റ് പുറത്തായി. ബംഗ്ലാദേശിനെതിരായ ആദ്യ മത്സരത്തിനിടെയാണ് താരത്തിന്റെ ശരീരത്തിന്റെ ഇടത് ഭാഗത്ത് വേദന അനുഭവപ്പെട്ടത്. രണ്ടോവര്‍ എറിഞ്ഞ് താരം പിന്‍മാറുകയും ചെയ്തു. ശേഷിക്കുന്ന മത്സരങ്ങളില്‍ വോക്‌സിന് കളിക്കാന്‍ സാധിക്കില്ല. സ്റ്റീവന്‍ ഫിന്നോ ടോം ക്യുറനോ പകരം ടീമിലെത്തും.