തിരുവനന്തപുരം: ഇടുക്കി ജില്ലയിലെ ചെറുകിട അനധികൃത നിര്‍മാണങ്ങള്‍ക്ക് സാധുത നല്‍കാന്‍ മന്ത്രിസഭാ യോഗത്തില്‍ തീരുമാനമായി. 15 സെന്റ് വരെയുള്ള പട്ടയഭൂമിയിലെ 1500 ചതുരശ്ര അടി വരെയുള്ള കെട്ടിടനിര്‍മാണത്തിനാണ് സാധുത.

1964 ലെ ഭൂനിയമപ്രകാരം പതിച്ചുനല്‍കിയ പട്ടയ ഭൂമിയില്‍ നിര്‍മിച്ച കെട്ടിടങ്ങളാണ് ക്രമപ്പെടുത്തുക. ഈ ഭൂമിയില്‍ 1500 ചതുരശ്ര അടിക്കു മുകളിലുള്ള നിര്‍മാണങ്ങള്‍ക്ക് സാധുത നല്‍കില്ല. ഇവയെ അനധികൃത നിര്‍മാണമായി കണക്കാക്കി നടപടി സ്വീകരിക്കാനാണ് തീരുമാനം.