മലപ്പുറം: ഏഷ്യന്‍ പെയിന്റ്‌സ് കളര്‍ അക്കാദമിയും ജില്ലാ ബധിര അസോസിയേഷനും സംയുക്തമായി നടത്തിയ 12 ദിവസത്തെ പരിശീലന പരിപാടിയിലൂടെ മലപ്പുറത്തെ കേള്‍വി ഭിന്നശേഷി വിഭാഗത്തില്‍പ്പെട്ട 24 യുവാക്കള്‍ വിദഗ്ധ പരിശീലനം നേടി. ഇവര്‍ക്കു തൊഴില്‍ നൈപുണ്യ വികസന വകുപ്പിന്റെ സര്‍ട്ടിഫിക്കറ്റുകള്‍ വിതരണം ചെയ്തു.
ഏഷ്യന്‍ പെയിന്റ്‌സ് കളര്‍ അക്കാദമി ട്രെയിനര്‍ പി.കെ നിതിന്‍രാജാണ് പരിശീലനം നല്‍കിയത്. ജില്ലാ ബധിര അസോസിയേഷന്‍ പ്രസിഡന്റ് എ. മുജീബ് റഹ്മാന്‍, ജനറല്‍ സെക്രട്ടറി മുനാസ് എന്നിവരുടെ നേതൃത്വത്തില്‍ അസോസിയേഷന്‍ ഓഫിസില്‍വച്ചായിരുന്നു പരിശീലനം. ഏഷ്യന്‍ പെയിന്റ്‌സ് കളര്‍ അക്കാദമി ഓഫിസര്‍ സഞ്ജു, മാര്‍ക്കറ്റിങ് അസോസിയേറ്റ് ആസിഫ് അലി, ട്രെയിനര്‍ നിതിന്‍രാജ് എന്നിവര്‍ സര്‍ട്ടിഫിക്കറ്റുകള്‍ വിതരണം ചെയ്തു.