വെങ്ങപ്പള്ളി: വിശുദ്ധ ഹജ്ജ് കര്‍മം മാനവികതയുടെ വിളംബരമാണെന്നും ത്യാഗസന്നദ്ധരായവര്‍ക്കു മാത്രമേ ഹജ്ജ് കര്‍മങ്ങള്‍ പൂര്‍ത്തിയാക്കാന്‍ സാധിക്കുകയുള്ളൂവെന്നും കേരള ഹജ്ജ് കമ്മിറ്റി ചെയര്‍മാന്‍ കോട്ടുമല ടി.എം ബാപ്പു മുസ്‌ലിയാര്‍.

വയനാട് വെങ്ങപ്പള്ളി ശംസുല്‍ ഉലമാ ഇസ്‌ലാമിക് അക്കാദമിയില്‍ നടന്ന ഹജ്ജ് ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം. കൂടുതല്‍ ആളുകള്‍ക്ക് അവസരം നല്‍കുകവഴി കേരള ഹജ്ജ് കമ്മിറ്റിയുടെ ആവശ്യങ്ങള്‍ പരിഗണിച്ച കേന്ദ്രഹജ്ജ് കമ്മിറ്റിയെ അദ്ദേഹം അഭിനന്ദിച്ചു.

സമസ്ത കേന്ദ്ര മുശാവറ അംഗം വി. മൂസക്കോയ മുസ്‌ലിയാര്‍ അധ്യക്ഷനായി. എസ്.വൈ.എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍ ക്യാംപിനു നേതൃത്വം നല്‍കി. സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍, പിണങ്ങോട് അബൂബക്കര്‍, എം.എം ഇമ്പിച്ചിക്കോയ മുസ്‌ലിയാര്‍, എസ്. മുഹമ്മദ് ദാരിമി, നാസര്‍ മൗലവി, പനന്തറ മുഹമ്മദ്, ജഅ്ഫര്‍ ഹൈതമി, ടി.സി അലി മുസ്‌ലിയാര്‍, ഉസ്മാന്‍ കാഞ്ഞായി, പി.സി ഇബ്‌റാഹിം ഹാജി, എം. ഹസ്സന്‍ മുസ്‌ലിയാര്‍, എ.കെ സുലൈമാന്‍ മൗലവി ,ഇബ്‌റാഹിം ഫൈസി പേരാല്‍, ഹാരിസ് ബാഖവി കംബ്ലക്കാട്  സംബന്ധിച്ചു.