കര്‍ണാടക തെരഞ്ഞെടുപ്പില്‍ മത്സരിക്കില്ലെന്ന്
ജനാര്‍ദ്ദന്‍ റെഡ്ഡി

ബെല്ലാരി: അടുത്ത വര്‍ഷം നടക്കുന്ന നിയമസഭാ തെരഞ്ഞെടുപ്പില്‍ മത്സരിക്കില്ലെന്ന് മുന്‍ ബി.ജെ.പി മന്ത്രി ജനാര്‍ദ്ദന്‍ റെഡ്ഡി. പാര്‍ട്ടി പ്രവര്‍ത്തനവുമായി മുന്നോട്ടുപോകുമെന്ന് അറിയിച്ച അദ്ദേഹം ഇനി മത്സരിക്കാനില്ലെന്നാണ് മാധ്യമ പ്രവര്‍ത്തകരുടെ ചോദ്യത്തിന് ഉത്തരമായി മറുപടി നല്‍കിയത്. ബെല്ലാരി ജില്ലയില്‍ പ്രവേശിക്കാന്‍ സുപ്രിം കോടതി അനുമതി നല്‍കിയതിനെ തുടര്‍ന്ന് ഇന്നലെ എത്തിയപ്പോഴാണ് അദ്ദേഹം മത്സരിക്കാനില്ലെന്ന കാര്യം വ്യക്തമാക്കിയത്. കര്‍ണാടകത്തിന് പുറമെ, ആന്ധ്ര, തെലങ്കാന സംസ്ഥാന തെരഞ്ഞെടുപ്പുകളിലും ബി.ജെ.പി അധികാരത്തിലേറുമെന്ന് അദ്ദേഹം വ്യക്തമാക്കി.