വിശാഖപട്ടണം: സംസ്ഥാനത്തെ മൂന്ന് ജില്ലകളിലെ ക്ഷേത്ര പൂജാരിമാര്‍ മൂന്ന് ദിവസം പണിമുടക്കുന്നു. 1200 ക്ഷേത്രങ്ങളിലെ പൂജാരിമാരാണ് വിവിധ ആവശ്യങ്ങള്‍ ഉന്നയിച്ച് ഈ മാസം ആറിന് പണിമുടക്കുക. സംസ്ഥാന സര്‍ക്കാരിന്റെ നിയമപ്രകാരം 6ബി, 6സി കാറ്റഗറിയില്‍പെട്ട ക്ഷേത്രങ്ങളിലെ പൂജാരിമാരാണ് മൂന്ന് ദിവസത്തെ പണിമുടക്കില്‍ പങ്കെടുക്കുന്നത്. രണ്ട് ലക്ഷത്തിനും 25 ലക്ഷത്തിനും ഇടയില്‍ വരുമാനമുള്ള ക്ഷേത്രങ്ങളിലെയും രണ്ട് ലക്ഷം വരെ വരുമാനമുള്ള ക്ഷേത്രങ്ങളിലെയും പൂജാരിമാര്‍ക്ക് സംസ്ഥാന സര്‍ക്കാരിന്റെ പേ റിവിഷന്‍ ശുപാര്‍ശ പ്രകാരമുള്ള ശമ്പളം ലഭിക്കണമെന്ന ആവശ്യം മുന്‍നിര്‍ത്തിയാണ് സമരം നടത്തുന്നതെന്ന് ഉത്തര ആന്ധ്രാ അര്‍ച്ചക സംഘം നേതാവ് വെലൂരി ശ്രീനിവാസാ ദീക്ഷിദിലു പറഞ്ഞു.