ന്യൂഡല്‍ഹി: കേന്ദ്രമന്ത്രി എം.ജെ അക്ബറിനെതിരായ മീടൂ ആരോപണം പരിശോധിക്കുമെന്ന് ബി.ജെ.പി ദേശീയ അധ്യക്ഷന്‍ അമിത് ഷാ. ആരോപണങ്ങള്‍ പാര്‍ട്ടിയുടെ പ്രതിഛായക്ക് മങ്ങലേല്‍പ്പിച്ചിട്ടുണ്ട്. ആരോപണങ്ങള്‍ സത്യമാണോ എന്ന് അറിയണം. അക്ബറിനെതിരേ ട്വിറ്ററിലൂടെ ഉന്നയിച്ച ആളുടെ സത്യസന്ധതയും പരിശോധിക്കുമെന്ന് അമിത് ഷാ പറഞ്ഞു.

സാമൂഹിക മാധ്യമങ്ങളിലൂടെ അക്ബറിനെതിരേ വ്യാജപ്രചാരങ്ങള്‍ നടക്കുന്നുണ്ട്. ആരോപണങ്ങള്‍ക്ക് പിന്നാലെ അക്ബര്‍ രാജിവയ്ക്കണമെന്ന ആവശ്യം ബി.ജെ.പിയില്‍ നിന്ന് തന്നെ ഉയര്‍ന്നിരുന്നു. മനേക ഗാന്ധി ഉള്‍പ്പെടെയുള്ളവര്‍ അക്ബറിനെതിരേ രംഗത്തെത്തിയിരുന്നു.